Uropi id - et - and Volapük

★ ★ ★

* Uropi Nove 123 * Uropi Nove 123 * Uropi Nove 123 *

★ ★ ★

★ ★ ★

Uropi id Volapük

★ ★ ★

Volapük se u struen linga we vidì kreaten pa Johann Martin Schleyer, u Doski katoliki prist in 1879-1880.
Vize, in Franci:
https://fr.wikipedia.org/wiki/Volap%C3%BCk
o in Engli:
https://en.wikipedia.org/wiki/Volap%C3%BCk

Uropi vidì ekvos koeglen ki Volapük, obte da du intranasioni eldilingas (IEL) se mol disemi.
Pur ni kovigade ki Volapukiste sì talvos priʒe pozitivi: wan Uropi vidì publiki in 1986, nu vidì koraden id superen pa de gren Nizilandi Volapuki dutor (cifal) Filippus Johann Krüger, ki wen nu koskrivì tis hi mor in 1992. Nu ruplojì ha mol; he davì no sa bun korade.

Parkà av eke liente koeglen Uropi ki Volapük ?

Vokabular
De pri motìv, i men, se andubim te de bazi vorde in obe lingas se unisilabi.
Po samp: Vol. vöd, nem, nuf, blod, zif, flem, tor, del, neit, län, yel, vat, fil… = Ur. vord, nom, tag, frat, pol, fram, taur, dia, noc, land, jar, vod, foj…
Eke vorde se puntim de som: man, flor, in, sol, kat, dom, pos, dol, vun, stel, su, flam…

Semlide
Id je ste os alten semlide intra de du lingas, po samp: Vol. memön = Ur. rumeno, pöfik > pöfikan = pavri > pavrin, sevön = zavo, spelön = spero, studön = studo, yunik = jun, famül = famìl, vedön (od D. werden ) = vido (od D wird), studan = studan, veratik = veri, vero = verim, seil = silad, kolkömön = kogono, as sam = po samp, cif = cef, cifik = cevi, ko = ki (pref. ko-), medinav = medik, nutimik = kotemi, valik = tal, vög = voc, nek = nekun, kredön = kredo, det = dest, pon = pont, step = stap, nemögik = anmozli, stunükön = stumo, ya = ʒa, kap = keb, stim (honòr), stimad, tim = tem, lobön = lobo, naf = nav, klebön = klevo,…

Pur, de gus a unisilabe se ne os apsoluti in Uropi te in Volapük: po samp Vol. bür = Ur. burò, plöp = Ur. prosperid, xam = Ur. eksàm (< od Engli exam), pük = linga… Idmaj in Uropi, je ste os nome fenden in -a (po samp. femine: ʒina = vol. vom, mata = vol. mot, sesta = sör…i.s.p.)

★ ★ ★

Vol. zif = u pol

★ ★ ★

Koseten vorde
Unisilabi vorde se mol pratiki po formo koseten vorde we se ne tio longi. Po samp Ur. skrivitab = Doski Schreibtisch, obwàn is un uz de som elemente in Itali, da se tavolo id scrivere, nu avev tavolo da scrivere we se mol longi o tavoloscrivere is nu form u koseten vord wim capostazione.
Obe lingas uz de genitìv: Volapük -a, Uropi -i, -u po vigo de du elemente u koseten vordi.
Po samp: vol (mold) + -a + pük (linga) > volapük = moldilinga.
Di midi vokàl se mol vezi, ne solem par je det usvòk maj lezi, ba os par je indìk de sta wo nu moz koto de vord, apcizan ji elemente po analìzo ja id sim incepo ja. Po samp vod-i-fàl, sol-i-flòr, lun-i-luc, luc-i-tòr, kin-u-stel, vim-u-sport…
Je s’ne obvizi ekvos analìzo koseten vorde in Doski, we uz ʒe mole: po samp, wan un viz Wehrpflicht (militari servìz), un moz meno te de duj elemènt se Licht (luc), obte ‘Wehrpf’ sin ʒe nit, o in zumessen (mezo) un moz vizo zum essen (po jedo), o in Schreibtisch (vz sube), un moz vizo Schrei (klaj).

Alten sampe koseten vordis in Volapük: pükatidel = lingudictor, motapük = matulinga, nulayel = Novi Jar, domanim = domibest, potakad = postikart, vinaglät = vinivàs, vödabuk = vordar (lit ‘vordibib’), slipacem = sopikamar, valasotik = talesorti, futaglöpäd = podibàl, banacem = bania (lit. ‘banikamar’), soarajul = vespeni skol…  

Uvedà, Volapük vidì molvos kritiken po formo tio longi koseten vorde, ajutan tiomole elemente, wim po samp: disnufaspadäd = udetàg, jöltumveldegmälmil = 876 000. Pardà, de gren Volapüki reformor Kerckhoff volì limito koseten vorde a du elemente. Di se wa nu det in Uropi: wan lu se tio longi o tio numari, de elemente vid apcizen, po samp, 876 000 = ocsunte sepdes-ses tilie o Vol. Nedänapükans = Nizilandi vokore.

Paraleli struade
Vol: matan (od Engli mate) = maʒen (od Slavi mąż, manžel, məž, muž) > himatan, jimatan = maʒ, maʒa, mated = maʒad, matikön = maʒo,
läd (od Eng lady) = dama (od Fr. D. Dame, rus dama) > lädul = damita (vz Esp. señora > señorita)
valasotik = talesorti, ge-spikön = ru-voko …
Klotön = vesto, beklotön = bevesto, lifön = ʒivo, belifön = aʒivo, finön = fendo, dafinön = usfendo, kipön = teno, gekipön = ruteno, vokön = calo, gevokön = rucalo, konfid = fedad, mikonfid = misfedad, gebön = uzo, migebön = misuzo, tim = tem, bevütim = intratèm, klebön = klevo, deklebön = diklevo, blod = frat, koblod = kofràt, vobön = varko, kovobön = kovarko, flam = flam, niflamön = inflamo, flapön = plago, niflapön = inplago,
(Fino pos tim lunik! =  Fendim pos u longi tem!)

★ ★ ★

`

Vol. vat = vod

★ ★ ★

Obesinid Volapuki vordis id falsi frame
Pur, mole Volapuki vorde det na meno ov vorde we av u kopolem disemi sin in alten lingas, po samp:
Vol. blod (frat): blod sin ‘glod’ in Skandinavi lingas id Engli, nulik (novi): ≠ Fr. nul, Ur nuli, vol (mold) ≠ Ur. volo (vz D. wollen, It. volere, Esp. voluntad, Rus volia… o Fr. voler, It. volare, Esp. volar = flevo), sedön (sendo) ≠ Ur sedo (It. sedere, Sr. sedeti, Lit. sėdėti …), ter (tiot) ≠ Ur ter (It., Por. terra, Fr. terre, Esp tierra …), bel (bor) ≠ Ur. bel (Fr. bel, It. bello, Por. belo …)

Falsi frame
Intra Volapük id Uropi je ste mole mole falsi frame, po samp:
Vol. kun (gova) ≠ Ur. kun, tor (taur) ≠ tor, vom (ʒina) ≠ (he) vom, köst (kuzin) ≠ kost, od (unaltem) ≠ od, pal (genor) ≠ pal, vol (mold) ≠ (he) vol, gad (gardin) ≠ gad, horit (horizòn) ≠ horit, is (zi) ≠ is, us (za) ≠ us, fino (bemìn) ≠ fin, fümo (siurim) ≠ fumo, kim ? (ke ?) ≠ kim ?, patik (spesial) ≠ pati, cal (profesiòn) ≠ cal, pod (apel) ≠ pod …

U kritik molvos deten a Volapük id os rarim a Uropi se te lu av disformen naturi rode id vorde.

Disformen rode
Bestalem prim te de naturi usvolpad lingus disforme rode id vorde. Po samp de Latini vord caupo = hostior, tavernor vidì kaufen in Doski, kopen in Nizilandi, købe in Dani, köpa /∫ə:pa/ in Swedi, kupit’ in Rusi, koupit in Tceki, id sim pro, od wo Uropi kopo we se nerim de Nizilandi vord.
De regel in Uropi se: ne disformo rode maj te naturi lingas moz deto ja.

De Volapuki rode se nerim talvos disformen Engli rode, oʒe wan lu se talim ne intranasioni wim, po samp böd (od Engli bird).
I find te Volapük it tio dal id det de rode anrekonli. Po samp: yel, vol, pük, tikön (od Eng. think), tidön (od Eng. teach), nuf (od Eng. roof ?), jinön (od D. scheinen), jul (od D. Schule), jönik (od D. schön), del (od Eng. day), cil (od Eng. child) … = Ur. jar, mold, linga, meno, dicto, tag, semo, skol, bel, dia, kid …

In Volapük, jaki rod doʒ so os kurti te mozli, sim komplimènt vid plim
Eke Volapuki vorde se veri enigmas. Od ko ven, po samp, de vorde yan = dor, zif = pol, düp = hor, lü = a, läbik = felic, gidik = justi, lotan = gost, boso = u poj, kipedöp = vendia, vobön = varko, löpik = sube, miotik = suj, glidön = gratulo, logön = vizo (od ang. look ???), säkäd = problèm, fluk = frut, fum = murf,  lan = alm…?
Ekvos, nu moz gedo eke od la: gok = galin moj veno od Engli cock (gal), votik = alten, moj veno od Engli other we dav otik a wen Volapük ajùt u V par tale nome doʒ inìzo ki u kozòn.

★ ★ ★

Vol. vom = u ʒina

★ ★ ★

Volapük av ʒe strani regle

- Jaki nomirod doʒ nudim inìzo id fendo ki u kozòn.
Ne solem bazivorde doʒ so unisilabi, ba lu doʒ os so K-V-K (kozòn - vokàl - kozòn), wa moz avo de prodèl deto de usvòk maj lezi, ba wa det de vorde jok maj anrekonli.
Ke moz rekono haben, hebben, have in läbön = avo, bring, bringen in blinön = apero, alt, old in bäldik = seni, alden, street in süt = strad, Forst, forest in fot = fost, rest, reste in ret = rest, half, halb in laf = mijad ?

- Idmaj Schleyer avì becizen apdeto R in Volapük par, forsetim, Cine mozì ne usvoko R. Sim de vord roz, we se pur k-v-k, vidì lol: prim par de apdeten r vidì replasen ki u l, pos par un vord moz ne fendo ki z o s: S se rezerven po plurale, id je moz ne vido usvoken pos u z. Sim nu av u duj l id roz av viden lol.

Somim, nu av de Volapüki vord jim = skis (od Engli scissors, Fr. ciseaux, Ur. cizo, Gr. skhizô = kluvo), we ven od Doski Schere > jer, ba R doʒ vido replasen, sim je vid jel, ba jel sin ʒa protegad, sim je vid jil, ba jil sin ʒa fema, sim nu av jim we av nun kovìg maj ki Doski Schere.
Ki de apdeten r je se os anlezi rekono travel in tävön = vaizo, o trouver in tüvön = findo, o prince in plin = prins … In moderni Volapük (Volapük nulik), lu av reinduten eke r, po samp in redik (od Eng. red) = roj, instà ledik.  

Un alten interesan samp se de Volapuki vord jevod (od Franci cheval); di vord odvèn od Latini caballus we davì Esp. caballo, It. cavallo, Por cavalo, Kat cavall, Fr. cheval, Alb kalë, Rum. cal, Pikardi kva, sim Uropi kwal. De Uropi vord sem so de frut u naturi usvolpad od de Latini vord, obwàn de Volapuki vord sem un artimaken disformad.
Somim Uropi mol se u slimizen Itali vord (molto) we av perlasen de t ude d’influjad Greci poly id Doski viel (in Katalàni molt de t vid ne klarim usvoken), obwàn un zav ne puntim od ko ven de Volapuki vorde: mödik, mödo = mol, od Engli much ?

Uropi micen rode
Uropi moz os ekvos perlaso eke fendi kozone wim in mol (< molt, vize sube) o in tab (< Fr., Eng. table, vz Pikardi: tabe, tave), ba je se mol maj rari te in Volapük: vöd, län, pon, spot, fot, fom,… = vord, land, pont, sport, fost, form…

Wa vid ekvos kospeken wim disformen rode in Uropi se in fakt micen rode, wa un nom in Franci mots-valises id in Engli: portmanteau words o priʒe blends. Di se de inbrikad du rodis o vordis po formo u trij vord. De maj famos samp se mojse de Londoni smog formen ki SMO- od smoke (fum) id -OG od fog (neb).

★ ★ ★

Vol. lol = u roz

★ ★ ★

De slogan sampe ve ilustro bun de disemide intra de ‘disformen’ rode in Volapük id micen rode in Uropi.
De vord vol, pri silàb de vordi Volapüki, ven od Engli world; je av apdeten r-d, traformen de w in v, id de Engli zon /ə:/ in -or in o. Sim de vord se perfetim anrekonli: liente men priʒe ov volo o ov Franci voler = flevo o robo.
De eglivalti vord in Uropi vid formen inbrikan Franci monde id Engli world; od monde je gar MO-D, od world: -O-LD sim nu av mold.
De disemid se te Volapük apdàl hi vord od de odveni vord ane prodèl (usim usvòk), id det ja anrekonli, obwàn Uropi anèr hi vord a du vorde disemi lingus, sim detan ja maj familic.

Ba nemem alten sampe.
In Volapüki flen je se anlezi rekono Engli friend o Doski Freund id jok min Nizilandi vriend (obte je se maj neri a Dani ven). Po di vord Uropi ve mico de Germàni rod friend/Freund > FR- id de Romaniki rod AM- (ami/-co/-go) po davo fram. De prodèl se te fram se mol neri a frat, id, wim de Cini provòrd dez:
« U fram se talvos u frat, ba u frat se ne talvos u fram. »
Idmàj, friend/Freund, idsim fram ven od u komùn Indeuropan rod *prihₓ-ehₐ- (I-E pr- > Germ. fr-) = liamo, we davì os de Slavi vord prijatel = fram id Hindi vorde:  fram se mol neri a Hindi prem = liam.

Po fendo u trij samp: Volapüki löf we ven od Engli love. Di se u komùn I-E rod *leubh-, we davì os de verbe: D. lieben id Rus. liubit’, ba löf se dali od love, lieb-, liub-. Uropi ve mico di rod *leubh-, lieb, liub- >  LI- ki u duj PIE rod AM- (od PIE *am(m)a = mama > matu liam) od wo Rom. amar/e, amor/e (vz sube fram) po davo liam, liamo. Di se nerim de Baveri vord: i liab = Uropi i liam.

Eniwim da micen rode se ne mol numari in Uropi: lu prostàl 4% od vorde in tekste, id 6% od unisilabi vorde.

Gramatik

Ba je se wan un koegle de gramatike te un viz in ka mez de du lingas se disemi.
De Volapuki Gramatik se perfetim, matematikim logiki, ba je se mol koplizen; subetàl de gramatiki forme se kopolem artimaken. Uropi se mol maj slimi id mol maj naturi.

Un doʒ ne oblaso te, for Volapük, nerim tale struen lingas sì a priori, artimaken lingas wim, po samp, Solresol (ki muziki note) o filosofic lingas wim de linga Letellier (ege, egi, ego, egu… = pater, son, frat, maʒ…), ki de bemarkli usnemad Universalgloti pa Jean Pirro in 1868: https://en.wikipedia.org/wiki/Universalglot.
Schleyer stajì ude de influjad da lingus: un viz ja bun in hi sistèm konjugadis id personi pronomis.
Solem eke jare maj posen ki Esperanto inizì de gren muvad do maj id maj naturic struen lingas we davì Ido, Occidental, Novial, Interlingua, LFN id sim pro.

★ ★ ★

Vol. jevod = u kwal

★ ★ ★

Volapük av garen u sistèm disklinadis ki kwer kaze wim in Doski: nominatìv, akuzatìv, datìv, genitìv. Un doʒ bemarko te de majsan lingas we avì disklinade foram, tend apdeto la, subetàl po nome: Doski limìt ji disklinad a artikle (id ekimezim adjetìve). Moderni Greci av apdeten datìv po nome id adjetìve id limìt akuzatìv a mazin id artikle: N. o anthropos, A. ton anthropo = human, N. î yineka, A. tî yineka = ʒina…

Uropi av solen garen u genitìv wim Engli id Skandinavi lingas (id os moderni Greci).
Otto Jespersen dez te genitìv se de kaz we av « bunes rugonen a de usrogad finden in tale lingas ». Ba subetàl je se mol pratiki po formo koseten vorde (vize sube) id adjetìve od nome (po s. man > mani, noc > noci…).

Pur Uropi av os garen un akuzatìv id datìv po personi pronome, wim in Doski id moderni Greci: ich, mich, mir = egô, me, mou = Ur. i, ma, mo. Ironicim de nomi fendade in Volapük id Uropi se pratikim de som (ki disemi sine naturim).

VOL.     SING:     nom: ø           gen. -a             dat. -e         ak. -i
              PLUR.     nom. -s          gen. -as           dat. -es       ak. -is

UR.        SING.     nom. ø / -a     gen. -i / -u
               PLUR.   nom. -e /-as    gen. -is, -us

Pur, wan un viz de Volapuki verb id konjugad, un bestàl te tal se arkimaken id a priori:

Po samp personi pronome:
VOL.  ob, ol, om, of, on (neutri), os (anpersoni)    PL. obs, ols, oms, ofs, ons, oy
UR.     i,    tu, he,  ce, je         -                                       nu,  vu,   lu        -     -

Un moz jok ajuto ok, oks = sia, od, ods = unaltem id du altene we vid rarim uzen: og, ogs = tu o i, id or, ors (kortic form: po de kortic form, Uropi uz de pronòm vu wim in Franci vous id Slavi lingas: vy, vi, wy id ekvos in Itali voi).

Ba de maj strani zoc se te da ‘strani personi pronome’ vid kleven pos verbe wim sufikse po konjugo la. Po samp, de prosàn de verbi löfön = liamo se: löfob, löfol, löfof, löfon, löfom, löfos… löfobs, löfols, löfoms, löfofs, löfons, löfoy…
Ekwa somi vid rarim finden in naturi lingas. Un mozev koeglo ja ki de Turki verb: geliyor-um, geliyor-sun, geliyor, geliyor-uz, geliyor-sunuz, geliyor-lar (i ven, tu ven, he ven…), ba di se priʒe verbi fendade wim in Itali: -o, -i, -a, -iamo, -ete, -ano, de Turki personi pronome se disemi: ben, sen, o, biz, siz, onlar.
Gonim, de Uropi prosàn se os slimi te de Cini prosàn: i liam, tu liam, he liam… = Ci. wŏ ài, nĭ ài, tā ài…

★ ★ ★

Vol. futaglöpäd = podibàl

★ ★ ★

Ne solem de Volapüki verbi sistèm se kopolem artimaken, ba ji vari forme se mol tio semli : lu moj lezim vido komicen.

Po formo de alten teme, un ve ajuto u vokàl for de verbirod. M.Monnerot Dumaine, in hi Précis d’Interlinguistique, nom da « arkaic, tio usceken id zavan ». Wikipedia se maj midimezi id dez te je se « priʒe koplizen ».
Po samp, ki de verb löfön, nu av, po de pri persòn, löfob (in prosàn; un ajùt os de prefìks a-, wan de verb se in pasìv), älöfob, elöfob, ilöfob, olöfob, ulöfob, ölöfob, ülöfob… = i liam, i liamì, i av liamen, i avì liamen, i ve liamo, (de alten teme se futuri perfèt, futuri pasen, futuri pluperfèt).

Po formo pasìv, Uropi uz de eldiverb vido + pasen particìp wim in Doski, Nizilandi, id Skandinavi lingas, po s. De mus vid jeden pa de kat, obwàn in Volapük, un ajùt de prefìks p(a) a de verb: palöfob = i vid liamen, pälöfob = i vidì liamen… i.s.p. Po samp: Palöfob fa mot obik = i vid liamen pa mi mata    
A da un doʒ jok ajuto optatìv (suf. -ös), subjuntìv (-la), kodikìv (-öv, wim Uropi -ev), particìp (-öl).

Ne solem da verbi sistèm se mol koplizen id ansiudi*, ba de vari forme se revos mol tio semli id moj lezim vido komicen, subetàl orim. Kim oro de disemid intra elöfob (ki e) id älöfob (ki ɛ) o ölöfob (ki ə) o intra olöfob, ulöfob id ülöfob ?
Idmaj, je det konen vorde anrekonli.
Po samp: Ovisitob oli ün vig okömöl = i ve vizito ta nes sedia (de venan sedia).
O: ägolölo ve süt, älogob fleni bäldik oba = Itan alòng de strad, i vizì u seni fram (mi)
Ke moz rekono « going along the street » in ägolölo ve süt ? Kim ne komico ‘ägolob’ id ‘älogob’ ? = i itì ≠ i vizì.

De Uropi verb av nun personi infleksad id oc forme in tal: ø, -o, -ì, -ev, -en, -an, -e, -em (prosàn, infinitìv, pasen, kodikìv, participe, imperatìve) + un partikel id 3 eldiverbe : ve, so, avo, vido
De Uropi nom av sep forme: ø, -i, -a, -e, -as, -is, -us

In Volapük je ste 14 personi fendade, bemìn 8 teme in aktìv id 8 in pasìv (ane voko ov imperatìv, subjuntìv, optatìv, kodikìv…), da se bemìn 280 verbiforme. Slogan Wikipedia, un av dezen te jaki verb mozev avo 500.000 disemi forme.

★ ★ ★

Vol. gad = u gardin

★ ★ ★

Eke sampe:
V. Seadom su stul = U. He sed su u sel
Seadükom cili sui stul = He asèd de kid su u sel
Äseadikom sui stul = He sedì niz su u sel

Kodikìv

Vol: -öv = Uropi -ev
If stom binonöv koldikum, ba nifosöv = Is verem videv frijes, je mojev snevo
If ikömomöv, ägivoböv ome givoti = Is he avev venen, i avev daven ho u kodàv
Adelo logob oli, klu elogob oli = Odia i viz ta, sim i av vizen ta
Ädelo älogob oli, klu ilogob oli = Jesta i vizì ta, sim i avì vizen ta
Edeadom bü yels fols = He morì kwer jare for

* Un moz os koeglo Volapük ki eke Bantu lingas, po samp Lingala (voken in Kongoja) id Zulu (voken in Sudafrika).
Lingala av prefiksen ‘personi pronome’: na-, o-, a-, e-, to-, bo-, ba- e-, po samp ki de verb koloba = dezo, nu av nalobi, olobi, alobi, elobi (beste id zoce), tolobi, bolobi, balobi… = i dez, tu dez, he/ce dez, je dez, nu dez, vu dez, lu dez… Pur di ‘prefiksen pronome’ se disemi od apsolen pronome: ngai, yo, ye, yango, biso, bino, bango, yango.

Somim in Zulu, personi pronome vid kleven for de verb. Po samp ki de verb ukuhamba = ito, nu av ngihamba = i it: ngihamba ngebhasi = i far busim. Revos, de ‘prefiksen personi pronome’: ngi-, u-, si-, ni- = i, tu, nu, vu se disemi od apsolen personi pronome: mina, wena, thina, nina = i, tu, nu, vu.
Po futùr, -zo- vid inseten intra de personi pronom id de verbirod: ngizohamba kusasa = i ve ito domòr. Zulu zi se maj somi a u ‘kokleven’ Uropi te a Volapük: ngi-zo-hamba = i-ve-ito ≠ Vol. ogolob (wa davev literim zo-hamba-ngi ‘ve-ito-i’).
Pasen
Ekuseni ngihambe ngebhasi = Di morna i farì busim   

Koklùz
Un mozev jok prolongo di koeglad, ba i men te je s’ anuzi; de disemid intra de du lingas se perfetim klar : Volapük se u kokleven linga ki disformen naturi rode id a priori gramatiki forme, obwàn Uropi se priʒe un analizi, lejim infleksen linga, ki naturi rode, eke micen rode id naturi gramatiki forme. Ba subetàl, Uropi se u komùn intranasioni linga wej vokabular se bazen su de komùn Indeuropan rode : ji vorde vid ne uscepen usfalim, cevim od de Engli vokabular, wim Volapuki böd, vol, valik, nuf…; lu se vorde ʒa esistan in u gren numar lingus, o semli a esistan vorde, id sim lu vid maj lezim incepen pa u gren numar lientis.

★ ★ ★

Paror Johann Martin Schleyer

★ ★ ★

L'Uropi et le Volapük

★ ★ ★

Le Volapük est une langue construite créée par Johann Martin Schleyer, prêtre catholique allemand en 1879-1880.
Voir, en français:

https://fr.wikipedia.org/wiki/Volap%C3%BCk
ou en anglais:

https://en.wikipedia.org/wiki/Volap%C3%BCk

On a parfois comparé l’Uropi et le Volapük, bien que ces deux langues auxiliaires internationales (LAI) soient très différentes.
Cependant, nos relations avec les Volapükistes ont toujours été plutôt positives: quand l’Uropi est sorti en 1986, nous avons été conseillés et soutenus par le grand dirigeant Volapükiste Néerlandais, (le cifal) Filippus Johann Krüger, avec lequel nous avons correspondu jusqu’à sa mort en 1992. Nous l’avons beaucoup regretté; il nous a donnné de si bons conseils.

Pourquoi a-t-on comparé l’Uropi et le Volapük ?

Le lexique
La première raison, je crois, est sans aucun doute que les mots de base dans les deux langues sont des monosyllabes.
Par exemple: Vol. vöd, nem, nuf, blod, zif, flen, tor, del, neit, län, yel, vat, fil… = Ur. vord, nom, tag, frat, pol, fram, taur, dia, noc, land, jar, vod, foj… (= mot, nom, toit, frère, ville, ami, tour, jour, nuit, pays, année, eau, feu…)
Certains termes sont exactement les mêmes: man, flor, in, sol, kat, dom, pos, dol, vun, stel, su, flam… (homme, fleur, dans, soleil, chat, maison, après, douleur, blessure, étoile, sur, flamme…)

Similitudes
On peut observer d’autres similitudes entre les deux langues, par ex: Vol. memön = Ur. rumeno (se souvenir, cf ang. remember) pöfik > pöfikan = pavri > pavrin (pauvre, un pauvre), sevön = zavo (savoir), spelön = spero (espérer), studön = studo (étudier), yunik = jun (jeune), famül = famìl (famille), vedön (de l’al. werden = devenir) = vido (de l’al. wird = devient), studan = studan (étudiant), veratik = veri (vrai), vero = verim (vraiment), seil = silad (silence), kolkömön = kogono (rencontrer), as sam = po samp (par exemple), cif = cef (chef), cifik = cevi (principal), ko = ki (pref. ko-) = avec, medinav = medik (médecine), nutimik = kotemi (contemporain), valik = tal (tout), vög = voc (voix), nek = nekun (personne), kredön = kredo (croire), det = dest (droite), pon = pont (pont), step = stap (pas), nemögik = anmozli (impossible), stunükön = stumo (stupéfaire), ya = ʒa (déjà), kap = keb (tête), stim (honneur), stimad (estime), tim = tem (temps), lobön = lobo (louer), naf = nav (navire), klebön = klevo (coller),…

★ ★ ★

Vol. fil = u foj

★ ★ ★

Cependant le goût pour les monosyllabes n’est pas aussi absolu en Uropi qu’en Volapük: par ex. Vol. bür = Ur. burò (bureau), plöp = Ur. prosperid (prospérité), xam = Ur. eksàm (examen, de l’anglais exam), pük = linga (langue)… De plus, en Uropi, il existe aussi des noms terminés en -a (par ex. les féminins: ʒina (femme) = vol. vom, mata (mère) = vol. mot, sesta (soeur) = sör…etc.)

Mots composés
Les monosyllabes sont très pratiques pour former des mots composés qui ne sont pas trop longs. Par ex. Ur. skrivitab = allemand Schreibtisch (bureau, ‘table à écrire’), alors que si l’on combine les mêmes éléments en italien, c’est à dire tavolo et scrivere, nous avons tavolo da scrivere qui est très long ou tavoloscrivere en agglutinant comme dans capostazione (chef de gare).

Les deux langues utilisent le génitif: Volapük -a, Uropi -i, -u pour relier les deux éléments d’un mot composé.
Par ex: vol (monde) + -a + pük (langue) > volapük = langue mondiale.
Cette voyelle centrale est essentielle, non seulement parce qu’elle facilite la prononciation, mais aussi parce qu’elle indique l’endroit où l’on peut séparer les éléments du mot, pour pouvoir l’analyser et le comprendre. Par ex. vod-i-fàl, sol-i-flòr, lun-i-luc, luc-i-tòr, kin-u-stel, vim-u-sport…(chute d’eau, tournesol, clair de lune, phare, star de cinéma, sport d’hiver)…
Il n’est parfois pas évident d’analyser des mots composés en allemand qui en utilise beaucoup: par ex, quand on voit Wehrpflicht (service militaire), on peut croire que le second élément est Licht (lumière), bien que ‘Wehrpf’ ne signifie rien, ou dans zumessen (mesurer), on peut voir zum essen (pour manger), ou dans Schreibtisch (voir ci-dessus), on peut voir Schrei (cri).

Autres exemples de mots composés en Volapük et Uropi: pükatidel = Ur. lingudictor (professeur de langue), motapük = matulinga (langue maternelle), nulayel = Novi Jar (Nouvel An), domanim = domibest (animal domestique), potakad = postikart (carte postale), vinaglät = vinivàs (verre à vin), vödabuk = vordar (dictionnaire, lit. ‘livre de mots’), slipacem = sopikamar (chambre à coucher ‘à dormir’), valasotik = talesorti (de toute sorte), futaglöpäd = podibàl (football), banacem = bania (salle [‘chambre’] de bain), soarajul = vespeni skol (cours [école] du soir)…  

En outre, on a souvent reproché au Volapük de former des mots composés trop longs, en ajoutant des éléments  trop nombreux, comme par exemple: disnufaspadäd = udetàg (grenier), jöltumveldegmälmil = 876 000. C’est pourquoi, le grand réformateur du Volapük Kerckhoff a voulu limiter les mots composés à deux éléments. C’est ce que l’on fait en Uropi: quand ils sont trop longs ou trop nombreux, les éléments d’un mot composé sont séparés, par exemple: 876 000 = ocsunte sepdes-ses tilie ou le Volapük Nedänapükans qui donne Nizilandi vokore = locuteurs néerlandais.

★ ★ ★

Vol. banacem = bania

★ ★ ★

Constructions parallèles

Vol: matan (de l’anglais mate) marié = Ur. maʒen (du Slave mąż, manžel, məž, muž = mari, homme), ce qui donne le Volapük himatan, jimatan = maʒ, maʒa (mari, femme, époux, épouse), V. mated = maʒad (mariage), matikön = maʒo (se marier, épouser).
läd (de l’ang lady) = dama (du fr., al. Dame, rus dama) > lädul = damita (demoiselle, lit. ‘petite dame’, cf esp. señora > señorita)
valasotik = talesorti (de toutes sortes), ge-spikön = ru-voko (répondre, lit. ‘rétro-parler’)
Klotön = vesto (vêtir), beklotön = bevesto (revêtir), lifön = ʒivo (vivre), belifön = aʒivo (animer), finön = fendo (finir), dafinön = usfendo (achever), kipön = teno (tenir), gekipön = ruteno (retenir), vokön = calo (appeler), gevokön = rucalo (rappeler), konfid = fedad (confiance), mikonfid = misfedad (méfiance), gebön = uzo (utiliser), migebön = misuzo (faire mauvais usage), tim = tem (temps), bevütim = intratèm (intervalle, lit. ‘entre-temps’), klebön = klevo (coller), deklebön = diklevo (décoller), blod = frat (frère), koblod = kofràt (confrère), vobön = varko (travailler), kovobön = kovarko (collaborer), flam = flam (flamme), niflamön = inflamo (enflammer), flapön = plago (frapper), niflapön = inplago (enfoncer),
(Fino pos tim lunik! =  Fendim pos u longi tem! = Finalement, après un long temps)

Termes Volapük ambigus et faux amis

Cependant de nombreux termes Volapük nous font penser à des mots qui ont un sens totalement différent dans d’autres langues, par exemple:
Vol. blod (frère): blod signifie le ‘sang’ dans les langues scandinaves et en anglais, nulik (nouveau): ≠ fr. nul, Ur nuli, vol (monde) ≠ Ur. volo (= vouloir, al. wollen, it. volere, esp. voluntad, rus volia… ou fr. voler, it. volare, esp. volar), sedön (envoyer) ≠ Ur sedo (être assis: it. sedere, sr. sedeti, lit. sėdėti …), ter (oncle) ≠ Ur ter (= terre: it., por. terra, esp tierra …), bel (montagne) ≠ Ur. bel (= beau, belle, bel, it. bello, por. belo …)

Faux amis

Entre le Volapük et l’Uropi il y a de très nombreux faux amis, par exemple:
Vol. kun (vache) ≠ Ur. kun (chien), tor (taureau) ≠ tor (tour), vom (femme) ≠ (he) vom (‘il’ vomit), köst (cousin) ≠ kost (coût), od (l’un, l’autre) ≠ od (de, provenance), pal (parent) ≠ pal (pieu), vol (monde) ≠ (he) vol (‘il’ veut), gad (jardin) ≠ gad (gué), horit (horizon) ≠ horit (petite heure), is (ici) ≠ is (si), us (là) ≠ us (hors de), fino (au moins) ≠ fin (fin), fümo (certainement) ≠ fumo (fumer), kim ? (qui ?) ≠ kim ? (comment ?), patik (spécial) ≠ pati (malade), cal (profession) ≠ cal (appel), pod (pomme) ≠ pod (pied)…

Comments

[Urkreator]

Bravo Henrìk,

i doʒ rekono te de kovigad intra "yan" id de doj Janus venì nevos in mi ment: un doʒ anemo te je s'u poj (mol ?) "kevilitrajen".

I avì menen ov 'civitas' po 'zif', ba in di kaz, parkà ne 'civ' ? we avev sen maj rekonli. I avì od menen ov 'läbik" < 'happy', ba parkà ne 'lapik' ? (i zav te Doske usvòk "fan" wim "fen", ba…

"Lotan" ven andubim od "hôte", "fluk" od "fructum" id "fum" od "fourmi" pur Romaniki vokore ve andubim meno ov "fumo", "humo", "fumée" id subetàl ov Katalàni "fum" = Uropi "fum"

De Volapuki vorde se misdutan.



De Latini vord po "dor": "yan" se andubim mol original ba talim ne intranasioni par je vid uzen in un uni linga, obwàn de Indeuropan vord vis uzen in maj te 30 veti id moderni Indeuropan lingas.

De alten Latini vord "porta' we davì Esperanto "pordo" vid uzen in 7 vari lingas

[Henrìk]

« Eke Volapuki vorde se veri enigmas. »... Siurim ! Ba un moz seto pro eke hipoteze : yan = dor, ven versemim od latini janua (od de doj Janus) id zif = pol, mojse od civitas, id läbik = felic, od engli happy ? Id lotan = gost, parkà ne od de franci l'hôte ? In kipedöp = vendia, nu find ru de rod kop, kauf, wim in Uropi kopo. Id in glidön = gratulo, fluk = frut, fum = murf, revos latini vorde : gratulari, fructum, formica (oblase ne te Schleyer sì un katoliki prist)... Ba säkäd = problèm, se verim u... problèm !